【捷克 🇨🇿 布拉格】第3日/ Part 2: 布拉格的自由
.
捷克係點樣響布拉格擺脫蘇維埃政權嘅控嘅呢？有幸遇上捷克國家博物館 (Národní Muzeum) 舉行天鵝絨革命30週年展覽，認識香港教育制度裡面一定唔會學到嘅近代抗爭歷史。一路睇，有幾個moment都眼濕濕。
.
30年前11月，捷克斯洛伐克 (Czechoslovakia) 人民因為種種對極權政府嘅不滿 — 政治欺騙、經濟衰退、環境污染、打壓宗教、通訊、言論、貿易自由等等，開始上街遊行示威抗議。兩個月之內，雖然發生過警察鎮壓，亦有示威學生被拘捕，但係示威人士完全無打爛過一塊玻璃，整個運動完全和平進行。
.
人家有問責 — 落order鎮壓嘅總書記立刻引咎辭職。一個月後，總統都自動辭職，翌日民運政治領袖哈維爾 (Václav Havel) 響蘇維埃共產黨制度嘅政府裡面以全票當選成為新一屆總統。成件事Smooth成咁，史稱「天鵝絨革命」(Velvet Revolution)。
.
但係成功非偶然，人家嘅革命大大話話醞釀咗21年。
.
歷史堂：1945年二戰結束後，捷克斯洛伐克響蘇共嘅扶持下建立咗獨裁社會主義政權。1968年1月，捷克斯洛伐克爆發了一場試圖擺脫蘇共控制的政治民主運動「布拉格之春」。1968年8月21日，以蘇聯為首嘅華沙條約五國突然出兵二十萬加上五千架坦克車入侵捷克斯洛伐克進行血腥鎮壓，導致80人死亡500多人受傷，並掀起高達10萬人的難民潮，其中好多都是係知識分子，「布拉格之春」民主運動即時被瓦解。坦克碾碎當下嘅民主夢，卻埋下未來嘅種子。
.
當年民運嘅根據地就係國家博物館前嘅瓦茨拉夫廣場 (Wenceslas Square). 睇完展覽好肚餓，決定過對面買麥記跑返上嚟望住個廣場醫肚。我覺得今日學到嘢，好有意義。
.
唉，有排寫英文版本...
.
.
追加：第一張圖中嘅鑰匙係要人民開門離開屋企去上街示威；鑰匙cling cling聲亦都示意政權係時候出局。後面吊住嘅衫真係30年前有份抗爭嘅學生嘅衫嚟，fashion show咁。30年後香港版本咪悶啲囉，全黑🤷🏻♀️
.
.
.
.
#豁出去漫遊不通知親友 #布拉格 #歐洲 #捷克 #布拉格之春 #天鵝絨革命 #革命 #香港加油 #香港人
.
#旅遊 #旅遊攻略 #旅遊日記 #旅遊達人#hktravelblogger #旅遊資訊 #女遊人 #女遊神 #hongkong #ilovehongkong #hkig #hkstyle #hkigers #hongkonger #hktraveler #周圍移
Search